بين النهرين.. وبالجنوب الله خلق كاع
ترابها أغلى من ..الذهب
لو تزورها مرة..تشوف
قلبك دوم إلها يظل..ملهوف
وتهادى يالمشحوف... بماي
....أحلى من البحر
وجوه دكها الضيم...بس
سماهم صافية..وما بيها غيم!!
.....
بلابل وطيهوح..وبجع
لقلق و من الطيور أشكال
بردي وكصب..وشلب بيها ينبع
حتى السمج ...أنواع
لو تاكل منه..أبد ما تشبع
......
ياناس هذه أرض سومر
وذاكَ نقشه..على الحجر
ياناس هاي...جنة عدن
بس ياحسافة اليوم .. جوع وقهر
......
الهور.. ياما شاف جراح
بيوم..الماي منه راح!!
وإنذبحت آلآف البشر!!
..الراح..راح
الهور بقى وتحدى ...القدر
والهور من ذاك اليوم يصيح
تبت يدا أبي لهب
يعينج الله ياكاع
كلمن تولاج.. بس باك ونهب
Subscribe to:
Post Comments (Atom)
No comments:
Post a Comment